منتديات كارتيرا
مرحباً بكم معنا في منتديات كارتيرا

نتمنى لكم الإستفادة من المنتدى ..

رجاء خاص من إدارة المنتدى: نرجو الحفاظ على جدية الموضوعات وعند نقل أي خبر أو موضوع كتابة مصدره إذا أمكن حرصاً من إدارة المنتدى على حفظ حقوق الآخرين وتقديراً لكاتب الموضوع الأصلي.

وفقنا الله جميعاً لبناء منتدى نافع ومفيد

_____________________________________________
عفواً .. إذا واجهت مشكلة في التسجيل من فضلك استخدم
زر التسجيل عند حفظ بياناتك بدلاً من مفتاح الإدخال



منتدى خاص بكل ما هو متعلق بعالم السيارات
مرحباً بكم و بموضعاتكم لنبني سوياً منتدى ناجح في عالم السيارات



 
الرئيسيةالرئيسية  س .و .جس .و .ج  بحـثبحـث  المجموعاتالمجموعات  التسجيلالتسجيل  دخول  

شاطر | 
 

 فيات سيينا ولا رينو كليو ؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mina
عضو منتظم
عضو منتظم


عدد المساهمات : 18
نقاط : 2645
تاريخ التسجيل : 22/07/2010

مُساهمةموضوع: فيات سيينا ولا رينو كليو ؟؟؟   الأربعاء 11 أغسطس 2010, 15:04

أزيكم يا شباب
كل سنو وأنتم طيبين ورمضان كريم
أنا قدامي عربية فيات سيينا موديل 2001
1400 سي سي
حالتها ممتازو فابريكة بره وجوه

مش عارف العربية دي عاملة ايه في قطع الغيار
وايه عيوبها
وياترى كويسة في بعد البيع

أنا كنت خلاص نويت اشتري رينو كليو موديل 2003 عاملة 60 الف كيلو بس

على فكرة صاحب الفيات رافض يديني سعر وبيقولي اللي تقوله
وأنا مش عارف هي تسوى كام أسعارها ببتراوح من 30 وحتى 46 نفس الموديل على كونتاكت كارز

عاوز مساعدتكم
الرجوع الى أعلى الصفحة اذهب الى الأسفل
Atif78
عضو منتظم
عضو منتظم


عدد المساهمات : 17
نقاط : 2666
تاريخ التسجيل : 22/07/2010

مُساهمةموضوع: رد: فيات سيينا ولا رينو كليو ؟؟؟   الأربعاء 11 أغسطس 2010, 17:21

وانت طيب يا مينا
بص هو أنا كنت في نفس الحيرة زيك بالظبط

سألت على السيينا قالوا لي العربيه بجد ممتازه و في منها نوعين
1- 1600 وده انجيكشن كامل( 4 رشاشات )
و موتورها بيطلع 101 حصان واستهلكها جوه البلد 9.8 لتر/100كم وعلي الطريق (90كم/س) 5.5لتر/100كم
جنوط 14
2- 1400 وده حقن عند نقطه( رشاش واحد )
و موتوره بيطلع 70 حصان واستهلكها جوه البلد 8.5لتر/100كم و علي الطريق السريع (90كم/س) 5.5لتر/100كم
جنوط 13
2 زجاج كهرباء - باور-تكييف- سنتر
اما من نحيه قطع الغيار قطع غيار 1400 ارخص من 1600 لكن عموما كل قطع غيارها متوفره وموجوده
بس حذروني من جزء اسمه الدنجل وهو اللي ماسك العجلتين الخلفين ببعض وقالوا لي إن ده أغلى قطعة في قطع الغيار على ما أعتقد ممكن يتكلف 3000 جنية


بالنسبة للكليو
كل الموديلات بتاعت الرينو جميله جدا وناعمة جداً بس ليها عيبين اتنين بس
اولا قطع الغيار غاليه - ثانيا مش اى ميكانيكى بيشتغل فيها يعنى لازم شغلها يبقى فى التوكيل او فى مركز خدمه
وطبعاً ده مكلف شوية


يبقى رقم واحد لو ما عندكش مانع تروح مركز خدمة رينو أي مركز خدمة مش شرط التوكيل يعني شوف لو في حد قريب منك و ياسلام يا مينا بقى لو عديت عليهم قبل ما تشترى هما هيقولوا لك على كل حاجة لو لقيت إن تكاليف الصيانة تنفع معاك يبقى أحسن من السيينا لأني لقيت ناس كتير بتشتكي من سخونة العربية السيينا


لو تكاليف صيانة السيينا مش مناسبة معاك و لو السيينا سليمة و كشفت على الدنجل ولقيته سليم توكل على الله وخدها هي تعمل حوالي 37 دلوقت بس دي خليها رقم اتنين

وربنا يوفقك يا جميل
الرجوع الى أعلى الصفحة اذهب الى الأسفل
محمد منير



عدد المساهمات : 5
نقاط : 2622
تاريخ التسجيل : 03/08/2010

مُساهمةموضوع: رد: فيات سيينا ولا رينو كليو ؟؟؟   الأربعاء 11 أغسطس 2010, 17:31

وانت طيب يا مينا

بعد الكلام الجميل اللي كتبه صديقنا عاطف أحب أضيف حاجة صغيرة هي إن عفشة الكليو أنعم بكتير من عفشة السيينا لأن السيينا مع ناس أعرف إنهم بيشتكوا من إن العفشة ناشفة شوية وفعلاً كان في منهم بيشتكى من السخونة
أنا عن نفسي سوقتها مرة واحدة مكنتش مركز في موضوع العفشة قد ما كنت مشغول في إحساسي إن العربية فيها حاجة غلط في الرؤية يعني أنا حاسس إن في حاجة أنا مش شايفها كويس ممكن يكون القايم الشمال قريب و ممكن يكون ارتفاع الشنطة مخليك مش شايف ورا العربية كويس
مش عارف هو عموماً أنا مكنتش مستريح للرؤية يمكن ده إحساس بيزول بالتعود علشان ما أظلمش العربية
الرجوع الى أعلى الصفحة اذهب الى الأسفل
mina
عضو منتظم
عضو منتظم


عدد المساهمات : 18
نقاط : 2645
تاريخ التسجيل : 22/07/2010

مُساهمةموضوع: رد: فيات سيينا ولا رينو كليو ؟؟؟   الأربعاء 11 أغسطس 2010, 18:42

شكرا يا عاطف عالمعلومات وشكرا يا محمد عالتجربة أنا ساعات برضه باحس ان العربية ابعادها غريبة شوية

الفكرة دلوقتي ان العربية دي اسعارها بتتراوح من 32 لحد 46 وده هايجنني
على أساس ايه وبتبقى نفس السنة او فرق سنة
انا كدة هاربط على 35 بقى عشان ابقى مسكت العصايا من النص

وشكرا كمان مرة عالمساهمة وعالنصيحة
الرجوع الى أعلى الصفحة اذهب الى الأسفل
 
فيات سيينا ولا رينو كليو ؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات كارتيرا :: المنتديات العامة :: منتدى المقارنات بين السيارات-
انتقل الى: